«Manchester Siti» mavsumni sovrin bilan boshladi

Angliyada Superkubok bahsi bilan yangi mavsumga start berildi.

Unda amaldagi chempion «Manchester Siti» va Kubok sohibi «Chelsi» bellashdi. Har bo‘limda bittadan gol urgan «shaharliklar» o‘yinda ishonchli g‘alabani qo‘lga kiritishdi. To‘plar Serxio Aguero hisobiga yozildi.

Bu «Manchester Siti»ning o‘z tarixidagi beshinchi Superkubogi bo‘ldi. Bundan oldin jamoa 1937, 1968, 1972 va 2012 yillarda shunday yutuqqa erishgan.

Angliya Superkubogi
Chelsi – Manchester Siti - 0:2
5 avgust, London, «Uembli» stadioni
Gollar: 0:1 – 13 Aguero, 0:2 – 58 Aguero.
Chelsi – Kabalero, Ryudiger, Alonso, Aspilikueta, David Luiz, Barkli, Jorjino, Pedro (Mozes, 79), Fabregas (Drinkuoter, 60), Xadson-Odoi (Villian, 59), Morata (Abraxam, 69).
Manchester Siti – Bravo, Stounz, Mendi, Uoker, Laport (Otamendi, 87), Foden (Braim Dias, 76), Fernandino, Mahrez (Gabriel Jyezus, 68), Bernardu Silva, Sane (Gyundogan, 46), Aguero (Kompani, 80).