Qo‘qonda MChJ yollanma ishchisi 60 mln so‘mni o‘g‘irlab ketdi

Farg‘ona viloyatining Qo‘qon shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu yil 13 avgust kuni noma'lum shaxs “Accurate System” MChJ binosiga deraza orqali kirib, Pang‘ozlik ko‘chasida yashovchi M.A.ning xizmat xonasidan 60 mln so‘m pulini o‘g‘irlab ketgan.

Ko‘rilgan choralar natijasida ushbu jinoyatni Qo‘qon shahrida yashovchi, yuqoridagi MChJ yollanma ishchisi B.A. sodir etganligi aniqlanib, ushlangan.