Shahrisabzda janjalni to‘xtatmoqchi bo‘lgan ona pichoqlandi - IIV

Qashqadaryo viloyatining Shahrisabz shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 2018 yil 26 sentabr kuni “Yangihayot” MFYda yashovchi Sh.O‘. shahar hududida joylashgan buyum bozori oldida J.J. bilan o‘zaro janjallashayotgan vaqtida ularni ajratmoqchi bo‘lib kelgan J.J.ning onasiga pichoq bilan jarohat yetkazishi natijasida ayol kasalxonaga yotqizilgan. 

Holat yuzasidan jinoyat ishi qo‘zg‘atilib, Sh.O‘. ushlangan. 

Tergov harakatlari olib borilmoqda.