Buxoroda o‘g‘rilar qo‘lga olindi

 Shu yil 8 sentabr kuni Buxoro shahri, K.Murtazov ko‘chasida yashovchi B.N. Buxoro shahar IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U shu yil 6 sentabrga o‘tar kechasi noma'lum shaxs uning uyi eshigini kalit tanlash yo‘li bilan ochib kirib, xonasidan 27 mln. so‘m puli va 6 turdagi zargarlik buyumlarini o‘g‘irlab ketganligini ma'lum qilgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Navoiy shahrida yashovchi J.T. va G‘alaba shoh ko‘chasida yashovchi muqaddam sudlangan A.K. sodir etganliklari aniqlanib ushlanganlar. 

Tergov harakatlari davom etmoqda.