Armaniston parlamenti tarqatib yuborildi 

Armaniston prezidenti Armen Sarkisyan 1 noyabrda parlamentning tarqatilishi va navbatdan tashqari parlament saylovlari 9 dekabrga belgilanishi bo‘yicha farmonni imzoladi.

1 noyabrda Armaniston parlamentida bosh-vazir lavozimiga saylovning ikkinchi turida Nikol Pashinyan bu lavozimga yana saylanmagan. Shundan keyin parlamentni qayta shakllantirish jarayoni boshlangan.

16 oktabrda Pashinyan bosh vazir lavozimidan ketgan. U bu iste'fosi texnik xarakterga egaligini va parlamentni tarqatish uchun zarurligini tushuntirgan. Armaniston konstitutsiyasiga ko‘ra, agar bosh vazir iste'fosidan keyin deputatlar parlamentning ikki yig‘ilishida yangi bosh vazir tanlay olmasalar, parlament tarqatib yuborilishi kerak.

Pashinyan ushbu lavozimga yagona nomzod bo‘lgandi. 24 oktabrda ham parlament uni bosh vazir etib saylamagan.