Poroshenko Ukraina himoyasini tashkillashtirishga qancha vaqt talab etilishini ma'lum qildi  

Ukraina prezidenti Pyotr Poroshenko Ukrainaga qarshi tajovuz qilinishi holatida mamlakatning samarali himoyasini tashkillashtirishi uchun sanoqli daqiqalar talab etilishini aytdi. 
 
“Agar tajovuz qilinsa, menga Ukraina himoyasini tashkillashtirish uchun daqiqalar talab qilinadi”, deb aytgan Poroshenko.

Shuningdek, Poroshenko mamlakatda kiritilgan harbiy vaziyat tartibi fuqarolarning konstitutsiyaviy huquqlari cheklanishiga sabab bo‘lmasligiga va'da bergan. 

“Kontsertlar o‘tkazing, banklarga boring. Biroq do‘konlarga chopib, gugurt va tuz g‘amlash kerak emas”, deb aytgan Poroshenko.

Ukraina prezidentining ta'kidlashicha, konstitutsiyaviy huquq va erkinliklarning saqlanishi uning prinsipial pozitsiyasi hisoblanadi.