Bloomberg rivojlanayotgan davlatlar reytingini e'lon qildi

Bloomberg rivojlanayotgan bozorlarning yangi reytingini e'lon qildi. Ro‘yxatda birinchi o‘ringa Malayziya joylashdi. Rossiya yarim yil avval e'lon qilingan ana shunday reytingga nisbatan 5 pog‘onaga yuqorilab, ikkinchi o‘rinni egalladi.

Reytingni tayyorlashda YaIM o‘sishi bo‘yicha prognozlar, suveren kredit reytingi, amaldagi operatsiyalar hisobi, aksiya va obligatsiyalar bozori kabi ko‘rsatkichlar hisobga olindi.

Reytingning yuqori beshligidan shuningdek Xitoy, Filippin va Kolumbiya o‘rin oldi. reytingning so‘nggi, 20-o‘rniga Turkiya joylashdi. Bu davlat yarim yil ilgari e'lon qilingan reytingda 5-o‘rinda edi.