“Tolibon”ning hujumi oqibatida 21 kishi halok bo‘ldi 

“Tolibon” harakati jangarilari Afg‘onistonning Turkmaniston bilan chegaradosh Badgis viloyatidagi nazorat-o‘tkazish punktlariga hujum qilishi oqibatida 21 kishi halok bo‘ldi. Bu haqda Reuters axborot agentligi xabar berdi. 

Bagdis kengashi rahbarining aytishicha, hujum vaqtida 14 politsiyachi va hukumatni qo‘llab-quvvatlovchi kuchlarning 7 a'zosi o‘ldirilgan. Yana 9 kishi jarohat olgan. 

Ma'lum qilinishicha, to‘qnashuvlar davomida 15 dan ko‘proq jangari yo‘q qilingan va 10  nafari yaralangan.