Erdo‘g‘an Turkiya YeIga kirish yo‘lida davom etishini ma'lum qildi

Turkiya prezidenti Tayyip Erdo‘g‘an mamlakat to‘siqlarga qaramasdan YeIga kirish yo‘lida davom etishini bildirdi.

Avvalroq Yevrokomissiya YeIni kengaytirish siyosati to‘g‘risidagi hisobotini e'lon qilgandi.

"Turkiya qonun ustuvorligi sohasida jiddiy chekinish qilib Yevroittifoqdan uzoqlashishda davom etdi. Turkiyaning a'zo bo‘lishi borasidagi muzokaralar amalda boshi berk ko‘chaga kirib qoldi", - deyiladi hisobotda.

Turkiya tashqi ishlar vaziri o‘rinbosari Faruk Kaymakjining so‘zlariga ko‘ra, Anqara Yevrokomissiyaning bu tanqidini asossiz va qabul qilib bo‘lmas deb hisoblaydi.

Uning aytishicha, Turkiya sud tizimining ko‘pgina moddalari ko‘rib chiqiladi.

Turkiya YeIga kirish uchun 1987 yilda ariza bergan. Uning YeI tarkibiga qabul qilinishi bo‘yicha muzokaralar jarayoni 2005 yilda boshlangan.