Yana bir litsenziya uchun buyurtmani endi onlayn berish mumkin

YaIDXPda yangi xizmat joriy etildi – Arxitektura-shaharsozlik hujjatlarini ishlab chiqish bo‘yicha faoliyatni amalga oshirish huquqi uchun yangi litsenziya olish.
 
Norma’ning yozishicha, Vazirlar Mahkamasining 30.04.2009 yildagi “Arxitektura-shaharsozlik hujjatlarini yaratish faoliyatini litsenziyalash      tartibini      yanada takomillashtirish chora-tadbirlari to‘g‘risida”gi 126-son qarori va ushbu hujjat bilan tasdiqlangan Arxitektura-shaharsozlik hujjatlarini yaratish faoliyatini litsenziyalash to‘g‘risida nizom bu sohadagi tartibga soluvchi hujjatlar hisoblanadi.
 
Nizomga muvofiq, litsenziya talabgorining arizasi ko‘rib chiqilganligi uchun eng kam oylik ish haqining bir baravari miqdorida yig‘im undiriladi.
 
Xizmat yuridik shaxslarga yarim avtomatik rejimda ko‘rsatiladi va ERI mavjud bo‘lishini talab etadi.