Ucell jurnalist va blogerlar uchun tanlov o‘tkazdi

«COSCOM» (Ucell savdo belgisi) uyali aloqa operatori vakillari 16 dekabr kuni «Ilm-fan, ta'lim va raqamli iqtisodiyotni rivojlantirish yili» ijodiy tematik tanlovi g‘oliblarini taqdirladi.

Ushbu tanlovda joriy yilning 1 sentyabrdan 30 noyabrgacha nashr etilgan ijodiy ishlar qabul qilindi. O‘zbek, qoraqalpoq va rus tillaridagi materiallarni televideniye, radio, gazeta, veb-saytlar, shuningdek, bloglar va telegram kanallari vakili bo‘lgan 43 nafar jurnalist taqdim etdi. Ishtirokchilar orasida eng yoshi 18 yosh va eng kattasi esa 83 yosh bo‘ldi.

Tanlovda birinchi, ikkinchi va uchinchi o‘rinlar uchun noutbuklar, smartfonlar, tashqi qattiq disklar, boshqa ishtirokchilar rag‘batlantiruvchi sovg‘alar va diplomlar bilan taqdirlandilar.

Ucell axborot xizmati