Eron aviakompaniyasi Samarqand va Buxoroga aviaqatnovlarni yo‘lga qo‘ymoqchi

Transport vazirligida Eronning “Zagros Airlines” aviakompaniyasi vakillari bilan uchrashuv bo‘lib o‘tdi. Bu haqda vazirlik axborot xizmati xabar qilmoqda.

Transport vaziri o‘rinbosari Jasurbek Choriyev va “Zagros Airlines” aviakompaniyasining O‘zbekistondagi bosh vakili Murtazo Shayxhassaniy o‘zaro muloqotda ikki davlat o‘rtasida muntazam havo qatnovlarini qayta tiklash masalasini muhokama qildi.

Shuningdek, aviakompaniya vakillari yo‘nalishlar geografiyasini kengaytirish, tranzit salohiyatini rivojlantirish va parvozlar sonini oshirish bo‘yicha qator takliflarni bildirdi.

“Zagros Airlines” aviakompaniyasi Eronning turli shaharlaridan Samarqand va Buxoroga aviareyslar qo‘yish istagida ekanligini ma'lum qildi, deyiladi xabarda.

Tayyorlagan: Отабек Матназаров

#Eron #aviaqatnov