Nukusda 5-6ta oliy ta'lim muassasasi ochmoqchiman – Shavkat Mirziyoyev

“Orol muammosini men har bir xalqaro tadbirda ko‘taraman. Chunki bu faqat O‘zbekiston muammosi emas. Shu bilan birga men yaxshi tushunaman – bu muammo hech kimni bizchalik o‘ylantirmaydi. Hech kim kelib bizning muammomizni hal qilib bermaydi. 

Bu muammoning yechimi bo‘yicha eng muhim qadam – suvni tejash. Birgina Xorazm viloyatida kanallarni beton qilish orqali 37 foiz suvni tejashga erishdik. Bu bir usul xolos. Qanday odam suvni tejaydi – ilmli odam albatta. Men Nukusda 5-6ta oliy ta'lim muassasasi ochmoqchiman, chunki ta'limga e'tibor zarur. Birgina Bo‘zatovda 3200 gektar yer qayta ishlanibdi va bu ekologiyani qancha yaxshilagan. Shuni 30 yil avval qilsak bilasizmi qanday natijalarga erishardik?!

Bo‘zatovni men yuqoridan ham, pastdan ham kuzatdim. Daraxtlar yam-yashil. Bu yerning, suvning tozaligidan dalolat. Bo‘zatovni bejizga “Qoraqalpog‘iston Shveytsariyasi” deb atashmaydi”, deya prezident so‘zlaridan iqtibos keltirmoqda Kun.uz muxbiri.