Kuchli shamol Sirdaryodagi ko‘p qavatli uyning tomini uchirib yubordi

Sirdaryo viloyati Uy-joy kommunal xizmat ko‘rsatish boshqarmasi axborot xizmatining xabar berishicha, joriy yil 5 fevral kuni kuchli shamol oqibatida Xovos tumanidagi Paxtakor mahallasida joylashgan ko‘p qavatli uyning tom qismiga qattiq shikast yetgan.

Qayd etilishicha, hozirda Xovos tumani uy-joy kommunal xizmat ko‘rsatish bo‘limi xodimlari tomonidan ko‘p qavatli uyning shikastlangan tom qismini ta’mirlash ishlari olib borilmoqda. Ishlar yakuniga yetgandan so‘ng qo‘shimcha ma’lumotlar taqdim etiladi.