AQSh fuqarolari Samarqanddagi Registon maydoni oldida nikohdan o‘tishdi

Foto: Samarqand viloyati turizm va madaniy meros boshqarmasi

Samarqand viloyati turizm va madaniy meros boshqarmasi axborot xizmatining xabar berishicha, 2022 yil 4 iyul kuni AQSh fuqarolari Registon maydoni oldida rasmiy nikohdan o‘tishgan.

AQSh fuqarolari Marshall Mayyer va Ebro‘ Janning nikohini Samarqand shahar FXDYo xodimlari Registon maydonining qarshisida qayd etishgan va ularga nikoh guvohnomasi berishgan.

Ma’lum bo‘lishicha, Marshall bundan bir necha yil oldin O‘zbekistonga amalga oshirgan sayohati paytida Samarqand shahrida bo‘lgan va bu shaharni yoqtirib qolgan.

Vataniga qaytganidan so‘ng AQShdagi o‘zbek milliy taomlari pishiriladigan restoranning doimiy mijoziga aylangan va bo‘lajak turmush o‘rtog‘i bilan shu yerda yaqindan tanishgan.