Qoʻshimcha funksionallar
-
Tungi ko‘rinish
Navoiyda «prava» olib bermoqchi bo‘lgan sobiq murabbiy ushlandi
Navoiy viloyatining Navbahor tumanida haydovchilik guvohnomasini olib bermoqchi bo‘lgan sobiq murabbiy ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Foto: Iqtisodiy jinoyatlarga qarshi kurashish departamenti
Bosh prokuratura huzuridagi departamentning Navbahor tuman bo‘limi tomonidan boshqa huquqni muhofaza qiluvchi organ xodimlari bilan hamkorlikda tezkor tadbir o‘tkazilgan.
Unda, “Vatanparvar” tashkiloti Navbahor tuman o‘quv sport texnika klubi sobiq murabbiyi T.Q. fuqaro J.ga avtomaktabda bo‘lib o‘tayotgan o‘quv guruhiga uni navbatsiz kiritish va haydovchilik guvohnomasiga “D” va “Ye” toifasini qo‘shish evaziga 3,3 mln so‘m va 200 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan.
Qayd etilishicha, hozirgi vaqtda tergov harakatlari o‘tkazilmoqda.
Mavzuga oid
15:31 / 01.12.2025
Temur Kapadze O‘zbekistonda qoldi
11:09 / 03.11.2025
Skuter va mototsikllarga “prava”ni qanday olish mumkin va bu qanchaga tushadi?
17:57 / 31.10.2025
«Nasaf» muxlislari Namangandagi o‘yindan qaytishda YTHga uchradi
23:58 / 06.07.2025