O‘zbekistonning demografik ko‘rsatkichlari e’lon qilindi

Respublikaning demografik ko‘rsatkichlari raqamlarda e’lon qilindi. Davlat statistika qo‘mitasi tegishli ma’lumot bilan chiqdi.

Foto: Kun.uz

Qo‘mita xabariga ko‘ra, 2022 yilning 1 iyul holatiga respublika aholisi soni 35,6 mln kishini tashkil qiladi.

Bunda, ayollar soni 17,7 mln kishiga teng bo‘lsa, erkaklar soni 17,9 mln kishini tashkil etadi.

Shu bilan birga, shaharda yashovchilar soni 18,1 mln kishiga teng, qishloqda yashovchilar 17,5 mln kishiga teng.

Tug‘ilishlar soni – 413,6 ming kishi, o‘limlar soni – 80,9 ming kishi. Nikohlar soni – 108,9 mingta, ajrimlar soni – 24,6 mingta.

Tashqi migratsiya bo‘yicha ko‘chib kelganlar 0,9 ming kishini tashkil qildi, ko‘chib ketganlar 1,4 ming kishiga teng bo‘ldi.