O‘zbekiston va Koreya o‘rtasida sog‘liqni saqlash sohasida bitim tasdiqlandi

Koreya Respublikasi bilan sog‘liqni saqlash sohasida hamkorlik qilinadi.

“Xalqaro shartnomani tasdiqlash to‘g‘risida”gi prezident qarori qabul qilindi.

O‘zbekiston hamda Koreya Respublikasi hukumati o‘rtasida sog‘liqni saqlash sohasida kasalliklar oldini olish va ularga qarshi javob choralarini ko‘rishda hamkorlik qilish to‘g‘risidagi bitim tasdiqlandi.

Mazkur bitim 2021 yil 17 dekabr kuni Seul shahrida imzolangan.

Sog‘liqni saqlash vazirligi va Tashqi ishlar vazirligi ushbu xalqaro shartnomani amalga oshirish yuzasidan mas’ul bo‘lgan vakolatli organlar etib belgilandi.

Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirganidan keyin O‘zbekiston majburiyatlari bajarilishini ta’minlaydi.