2022 yilda is gazi tufayli jabrlangan va vafot etganlar soni qariyb 200 nafar bo‘lgan.
2022 yilda 90 dan ortiq is gazi bilan zaharlanish holati qayd etilgan. Bu haqda FVV ma’lumotlari asosida IIV axborot xizmati xabar bermoqda.
Ma’lum qilinishicha, 2022 yil boshidan buyon O‘zbekistonda 90 dan ortiq is gazidan zaharlanish holati qayd etilgan. Oqibatida 50 nafar fuqaro jabrlangan. 146 nafar odam vafot etgan.
Ma’lumot uchun, 2022 yil 24 may kuni Senatning Mudofaa va xavfsizlik masalalari qo‘mitasining yig‘ilishida 2020 yildan boshlab 2022 yilning may oyigacha O‘zbekistonda is gazidan zaharlanish bilan bog‘liq 428 ta holat sodir bo‘lgani, oqibatda 366 nafar fuqaro vafot etgani va 307 kishi turli darajada jarohat olgani aytilgandi.
