Navoiy shahar hokimi fuqaroga avtomobil sovg‘a qildi

Navoiy shahar hokimi Muratxan Egamqulov fuqaroga avtomobil sovg‘a qildi. Bu haqda Navoiy shahar hokimligi xabar berdi.

Qayd etilishicha, shaharning Yangiobod mahallasida yashovchi Dilorom Mamatova Navoiy shahar hokimiga murojaat qilib, eri 1-guruh nogironi, o‘zi 2-guruh nogironi, o‘g‘li 2-guruh nogironi ekanini aytib, 50 million so‘mlik yaxshi, ta’mirtalab bo‘lmagan avtomashina so‘ragan. Ayol 30 yildan beri yotoqxonada yashab kelayotganini, faqat nafaqa hisobiga kun ko‘rayotganini, o‘g‘li nogiron ekanini, faqat haydovchilik qila olishini tushuntirgan.

Oradan 3 kun o‘tgach, Navoiy shahar hokimligida oilaga «Matiz» avtomobili topshirilgan.