Olmazor tumanida elektr ta’minoti qisman o‘chirildi

Bugun, 28 iyul kuni soat 07:50 da Toshkent shahridagi «Bibliotechnaya» podstansiyasida nosozlik yuzaga keldi.

Energetika vazirligi xabariga ko‘ra, buning natijasida Olmazor tumani iste’molchilari (Qorasaroy, Sag‘bon, G‘alaba bog‘idagi jami 520 ta xonadon) qisman elektr ta’minotidan uzilgan.

Qayd etilishicha, hozirda maxsus brigada tomonidan nosozlikni bartaraf etish ishlari olib borilmoqda. 

Nosozlik bugun soat 14:00 ga qadar bartaraf etilishi va iste’molchilarning elektr ta’minoti tiklanishi aytilgan.

Vazirlik keltirilgan noqulayliklar uchun uzr so‘ragan.