«Al-Hilol» Neymar transferini e’lon qildi

Saudiya Arabistoni chempionati yana bir yulduz futbolchi bilan boyidi.

Foto: Al-Hilol

«Al-Hilol» klubi «PSJ» hujumchisi Neymar Saudiya Arabistoni chempionatiga ko‘chib o‘tganini rasman e’lon qildi.

Avvalroq, braziliyalik futbolchi va «Al-Hilol» rahbariyati 2 yillik shartnoma masalasida kelishuvga erishgani, unga ko‘ra, Neymar Ar-Riyod klubida 2 yil uchun 160 million yevro maosh olishi xabar qilingandi. «Al-Hilol» klubi Neymar transferi uchun «PSJ» hisob raqamiga bonuslar bilan hisoblaganda qariyb 120 million yevro o‘tkazadi.

🎬 “O talento maravilhoso… que atrai a atenção de todos” @neymarjr 💙#نيمار_هلالي #الهلال pic.twitter.com/TTzADrVGJJ
— نادي الهلال السعودي (@Alhilal_FC) August 15, 2023

Ma’lumot uchun, Neymar o‘tgan mavsum Fransiya chempionatida 20 o‘yinda 13ta gol va 11ta assist qayd etgandi. U Parij klubiga 2017 yil rekord – 222 mln yevro evaziga «Barselona»dan kelib qo‘shilgandi.

#Neymar #Al-Hilol