Toshkentda elektrdan noqonuniy foydalangan mayning ferma egasi aniqlandi

U davlatga 540 mln so‘m zarar yetkazgani aytilmoqda.

Foto: Bosh prokuratura huzuridagi departament

Bosh prokuratura huzuridagi Departamentning Toshkent shahri boshqarmasi tomonidan o‘tkazilgan tezkor tadbirda noqonuniy mayning kripto-aktivlari qurilmasini o‘rnatgan shaxs aniqlandi.

Qayd qilinishicha, shaharning Olmazor tumanida yashovchi Sh.P. uyida 94 ta to‘plamdagi qo‘lbola usulda yasalgan mayning kripto-aktivlari qurilmasini umumiy foydalanishdagi elektr tarmog‘iga o‘g‘rilik yo‘li bilan ulab, jami 540 mln so‘mlik elektr energiyasidan noqonuniy foydalangan.

Holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.

Tayyorlagan: Сардор Юсупов

#Toshkent #elektr #mayning