Yevrokomissar Breton: YeI bahorda Kiyevga 1 mln snaryad yetkazib beradi
2024 yil bahorida Kiyevga va’da qilingan 1 million artilleriya snaryadlarini yetkazib berish uchun Yevropa Ittifoqidan uchinchi davlatlarga qurol eksportini kamaytirish va mudofaa kompaniyalariga bosim o‘tkazish kerak, dedi Terri Breton.

Foto: Diego H. Carcedo/Anadolu/picture alliance
Yevropa Ittifoqi o‘z va’dasini bajaradi va shu yilning mart yoki aprel oylarida Ukrainaga 1 million artilleriya snaryadlari yetkazib beradi, dedi Yevroparlamentning «Yevropani yangilash» liberal fraksiyasi tomonidan tashkil etilgan tadbirda chiqish qilgan ichki bozor bo‘yicha Yevropa komissari Terri Breton. Bu haqda 9 yanvar kuni Politico nashri xabar berdi.
«Biz bu va’dada turibmiz, uning bajarilishi «mutlaqo realdir», dedi Breton. Uning so‘zlariga ko‘ra, bu maqsadga erishish uchun Yevropa Ittifoqi davlatlari uchinchi davlatlarga qurol eksportini kamaytirishi, shuningdek, milliy hukumatlar ishlab chiqarish hajmini oshirish uchun mudofaa kompaniyalariga bosim o‘tkazishini ta’minlashi kerak. Terri Breton, shuningdek, Yevropa Ittifoqi qurol ishlab chiqarishni ko‘paytirishga va bir yarim-ikki yil ichida bu ko‘rsatkich bo‘yicha Rossiya bilan tenglashishga qodirligini ta’kidladi.
Bir yil oldin YeI Ukrainaga bir mln snaryad va’da qilgandi
O‘tgan mart oyida Yevropa Ittifoqi Ukrainaga bir yil ichida 1 million artilleriya snaryadini yetkazib berishni va’da qilgan edi. Biroq, Yevropa qurol ishlab chiqaruvchilari ishlab chiqarish hajmini oshirishda qiyinchiliklarga duch kelmoqda. O‘tgan yilning noyabr oyida Germaniya mudofaa vaziri Boris Pistorus va’da qilingan o‘q-dorilarni o‘z vaqtida yetkazib berishda qiyinchiliklar borligini aytgandi.
Yevropa mudofaa fondini tuzishni rejalashtirmoqda
Anjumanda Terri Breton 100 milliard yevro miqdorida EDIP Yevropa mudofaa fondini tuzish rejalarini e’lon qildi, u Yevropa mamlakatlariga qurolni birgalikda sotib olish, mudofaa kompaniyalariga ishlab chiqarishni kengaytirish imkonini beradi. Uning so‘zlariga ko‘ra, bu mavzu fevral oyi boshida bo‘ladigan sammitda Yevropa Ittifoqi davlat va hukumat rahbarlari tomonidan muhokama qilinadi. Yevropa komissari 27 fevral kuni fond loyihasini taqdim etish niyatida.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
JSST zararli mahsulotlar narxini oshirishga chaqirdi
Jahon | 23:50 / 02.07.2025
-
Andijonda profilaktika inspektori pichoqlandi, Qo‘yliq yo‘lida megatirbandlik yuzaga keldi - mahalliy dayjest
O‘zbekiston | 23:39 / 02.07.2025
-
Ozarboyjon–Rossiya ziddiyatlari nimadan darak?
Jahon | 23:12 / 02.07.2025
-
Yevropa AQShning Kiyevga zenit raketalari yetkazib berishni to‘xtatish qaroridan «hayratga tushdi»
Jahon | 23:03 / 02.07.2025
Mavzuga oid

15:39 / 29.06.2025
Termizga tushgan snaryadlar: Ularni kim otgani aniq bo‘ldi

13:17 / 28.06.2025
Polsha prezidenti Duda Kiyevga keldi

13:00 / 17.06.2025
Rossiya Kiyevga dron va raketalar bilan vayronkor hujum amalga oshirdi

08:58 / 17.06.2025