Yog‘ingarchilik hamda havo haroratining o‘zgarishi sababli respublikaning tog‘li hududlarida qor ko‘chishi mumkin.
Foto: Sputnik
«O‘zgidromet» agentligi 25−31 yanvar kunlari qor ko‘chish xavfidan ogohlantirdi.
Xabarga ko‘ra, yog‘ingarchilik hamda havo haroratining o‘zgarishi sababli respublikaning tog‘li hududlari, jumladan:
- Toshkent viloyatining Bo‘stonliq, Ohangaron va Parkent tumanlari (Chotqol tizmasi tog‘lari);
- Namangan viloyatining Pop tumanida qor ko‘chish xavfi e’lon qilinadi.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyot choralarini ko‘rish so‘ralmoqda.
