Umumiy o‘rta ta’lim tashkilotlarida faoliyat yuritayotgan o‘qituvchilar soni to‘g‘risida ma’lumot taqdim etildi.
Foto: Maktabgacha va maktab ta’limi vazirligi
2023-2024-o‘quv yili boshida mamlakatdagi umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni 547,7 ming nafarni tashkil etgan.
Statistika agentligi ma’lumotlariga ko‘ra, bu ko‘rsatkich 2019-2020-o‘quv yili boshiga nisbatan solishtirilganda 61,1 ming nafarga oshgan.
Yillar kesimida umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni:
- 2019-2020-o‘quv yili boshiga 486,6 ming nafar;
- 2020-2021-o‘quv yili boshiga 508,2 ming nafar;
- 2021-2022-o‘quv yili boshiga 510,0 ming nafar;
- 2022-2023-o‘quv yili boshiga 521,6 ming nafar;
- 2023-2024-o‘quv yili boshiga 547,7 ming nafar.
