O‘zbekiston elchisi Ravshan Usmonov Britaniya tashqi ishlar vaziri o‘rinbosari Nusrat Gani bilan uchrashdi, deb xabar bermoqda "Dunyo".
Foto: Dunyo
Muloqot chog‘ida tomonlar O‘zbekiston-Britaniya hamkorligini yanada rivojlantirish istiqbollari xususida fikr almashdi.
Uchrashuv davomida yuqori va oliy darajadagi siyosiy muloqotni faollashtirish, parlamentlararo hamkorlikni kengaytirish, savdo-iqtisodiy va sarmoyaviy sohalardagi o‘zaro aloqalarni diversifikatsiya qilish hamda madaniy-gumanitar hamkorlikni mustahkamlash masalalariga alohida e’tibor qaratildi.
Muzokaralar yakunida hamkorlikni kengaytirish bo‘yicha amaliy chora-tadbirlarni muhokama qilish maqsadida diplomatik aloqalarni davom ettirish to‘g‘risida kelishib olindi.
