O‘zbekiston | 13:57 / 03.03.2025
1667
1 daqiqa o‘qiladi

O‘zbekiston va Iordaniya dippasport egalari uchun vizasiz kirish to‘g‘risida kelishuv imzoladi

Ammonda O‘zbekiston va Iordaniya o‘rtasida diplomatik pasport egalari uchun vizasiz kirish to‘g‘risidagi kelishuv va 2025-2027 yillarga mo‘ljallangan qo‘shma hamkorlik dasturi imzolandi.

Foto: Dunyo

O‘zbekiston va Iordaniya tashqi siyosat idoralari rahbarlari Baxtiyor Saidov va Ayman Safadi ikkita hujjatni imzoladi.

"Mamlakatlarimiz o‘rtasidagi hamkorlikni yanada rivojlantirish maqsadida Ayman Safadi janoblari bilan ikkita muhim hujjatni imzoladik", – deb yozdi O‘zbekiston TIV rahbari o‘zining telegram-kanalida.

Xususan, diplomatik pasport egalari uchun vizasiz kirish to‘g‘risidagi hukumatlararo kelishuv, Tashqi ishlar vazirliklari o‘rtasida 2025-2027 yillarga mo‘ljallangan qo‘shma hamkorlik dasturi imzolandi.

Mavzuga oid