Amerika samolyoti uchuvchining pasporti yo‘qligi sababli AQShga qaytishga majbur bo‘ldi

Los-Anjyelesdan Xitoyga uchgan Amerika samolyoti uchuvchida pasport yo‘qligi sababli AQShga qaytishga majbur bo‘ldi. Bu haqda CNN xabar bermoqda.

United Airlines aviakompaniyasining Los-Anjyelesdan uchgan samolyoti bortida 257 yo‘lovchi va 13 ekipaj a’zosi bo‘lgan. Parvoz vaqtida uchuvchilardan biri pasportini o‘zi bilan olib ketmagani ma’lum bo‘ldi. Samolyot yangi ekipaj kutayotgan San-Fransisko aeroportiga qo‘ndi. Aviakompaniya yo‘lovchilarni ovqatlanish vaucherlari va kompensatsiyalar bilan ta’minladi.

Hodisa tufayli samolyot Shanhayga olti soat kechikib yetib keldi.

25 mart kuni United Airlines aviakompaniyasining styuardessalari parvoz vaqtida nogironligi bo‘lgan shaxsdan o‘pkani sun’iy ventilyatsiyalash apparatini olib tashlashni talab qilgandi.

23 mart kuni samolyotdagi o‘rnini yosh bolaga berishdan bosh tortgan braziliyalik ayol tazyiqlarga uchragani va ishdan bo‘shatilgani xabar qilingandi.