O‘zbekiston Misrga elektrodlar eksport qilishni boshlaydi

Metallsozlik sanoati vakillari o‘rtasida birinchi O‘zbekiston va Misr biznes-forum va V2V shaklidagi uchrashuvlar bo‘lib o‘tdi.

Foto: "Dunyo" AA

Qohiradagi Metal & Steel Middle East ko‘rgazmasi doirasida bo‘lib o‘tgan ushbu tadbirlar Misr tomoni bilan qurilish mahsulotlari, jumladan metall mahsulotlarini tayyorlash bo‘yicha hamkorlik o‘rnatish va ushbu mamlakatdan xususiy investitsiyalarni jalb qilish maqsadida tashkil etildi.

Biznes-forumda O‘zbekistondan mas’uliyati cheklangan jamiyatlar, Misr tomonidan turli kompaniyalar vakillari ishtirok etdi. Tadbir doirasida V2V formatida muzokaralar uyushtirildi.

Tadbirlar yakunida ikki davlat tadbirkorlari o‘rtasida metallsozlik sohasida hamkorlik qilish va Misrga sifatli elektrodlar eksport qilish bo‘yicha kelishuvga erishildi.