Pensionerlar uchun poyezd chiptalariga 20 foiz chegirma e’lon qilindi

Chegirma 2-8 oktyabr (keksalar haftaligi) va 1-30 noyabr kunlari (keksalar turizm oyligi) amal qiladi. «Afrosiyob» chiptalari aksiyaga kirmaydi.

Foto: Transport vazirligi

"Keksalar haftaligi" va "Keksalar uchun turizm oyligi" doirasida pensionerlarga O‘zbekiston bo‘ylab sayohat qilishi uchun poyezd chiptalariga 20 foiz chegirma e’lon qilindi.

«O‘ztemiryo‘lyo‘lovchi» xabariga ko‘ra, chegirma 2-8 oktyabr kunlari va 1-30 noyabr kunlari barcha mahalliy yo‘nalishdagi poyezdlarning (yuqori tezlikda harakatlanuvchi «Afrosiyob» elektropoyezdlaridan tashqari) temiryo‘l chiptalari uchun amal qiladi,

Chegirma O‘zbekiston fuqarolariga – 55 yoshdan oshgan ayollar va 60 yoshdan katta erkaklarga amal qiladi.

«Chiptalarni eticket.railway.uz onlayn platformasi orqali elektron tarzda hamda barcha chiptaxonalardan sotib olishingiz mumkin», - deyiladi rasmiy xabarda.

Tayyorlagan: Мадина Очилова

#poyezd #chipta #chegirma #Pensionerlar #keksalar haftaligi