Rossiya Sumi viloyatiga hujum qildi: bir kishi halok bo‘ldi, yaralanganlar bor

Dastlabki ma’lumotlarga ko‘ra, bir kishi halok bo‘lgan. Qutqaruvchilar vayronalar ostidan yana uch kishini chiqarib oldi, ularga zarur tibbiy yordam ko‘rsatilmoqda.

Hujum joyida qidiruv-qutqaruv ishlari davom etmoqda, boshqa oqibatlar aniqlanmoqda, deya qo‘shimcha qildi Grigorov.

2 noyabr kechqurun Rossiya qo‘shinlari Sumi viloyatining Lebedin jamoatiga qarashli qishloqqa raketa zarbasi bergan. Hujum natijasida 55 va 65 yoshli ikki ayol yaralandi, turar joy sektoriga shikast yetdi.

O‘tgan tun Shahed turidagi Rossiya dronlari hujumidan Mikolayiv viloyati ham jabr ko‘rdi, deb xabar berdi VHM rahbari Vitaliy Kim. Energetika infratuzilmasiga shikast yetgani qayd etildi. «12 ta aholi punktida elektr o‘chdi, hozircha barcha iste’molchilar elektr energiyasi bilan ta’minlandi. Jabrlanuvchilar yo‘q», — deb yozdi u.

Mikolayiv shahrida dron hujumlari oqibatida maishiy-xo‘jalik mollari supermarketida yong‘in chiqqan, u tongga qadar o‘chirilgani qo‘shimcha qilindi. Bundan tashqari, korxonalardan biri hududidagi binolar, ikkita avtomobil va ko‘p qavatli uyning oynalariga zarar yetdi. Jabrlanganlar yo‘q.

https://www.dw.com/ru/rossia-atakovala-sumskuu-oblast-est-zertva-i-postradavsie/a-74592588