Chery Uzbekistan gibridli yetti o‘rindiqli Tiggo 8 Hybrid va yangilangan Tiggo 7 turkumini taqdim etdi

Tiggo 8 Hybrid: keng sig‘im va zamonaviy texnologiyalar

Muhim yangiliklardan biri sifatida yetti o‘rinli Tiggo 8 Hybrid gibridi taqdim etildi. Ushbu model keng makonni afzal ko‘ruvchilar uchun mo‘ljallangan bo‘lib, to‘liq uch qatorli salonga ega. 238 ot kuchiga ega mazkur avtomobil kombinirlangan rejimda 100 km masofaga atigi 5,2 litr yoqilg‘i sarflab, 1200 km dan ortiq masofani bosib o‘tish imkoniyatiga ega.

Krossoverning ichki jihozlanishi har bir safarni yuqori texnologik sayohatga aylantiradi. Interer 15,6 dyuymli multimedia ekrani hamda muhim ma’lumotlarni to‘g‘ridan to‘g‘ri old oynada aks ettiruvchi proyeksion displey (HUD) bilan jihozlangan. Premium komplektatsiyasida yo‘lovchilar uchun «birinchi toifa»ga xos qo‘shimcha qulayliklar mavjud: old o‘rindiq oyoqlarni ko‘tarib turish uchun mo‘ljallangan tayanch (ottomanka) va massaj funksiyasiga ega. Intellektual muhit SONY premium toifadagi audiotizimi hamda murakkab buyruqlarni aniqlay oladigan yangilangan ovozli yordamchi orqali yanada boyitilgan.

Tiggo 7 turkumining yangilanishi: tafsilotlarga e’tibor

Ommabop Tiggo 7 oilasi ham keng ko‘lamli yangilanishdan o‘tdi. Asosiy o‘zgarishlar nafaqat tashqi ko‘rinishga, balki texnik jihatlarga ham taalluqli. Xususan, Premium komplektatsiyasida endi turli yo‘l sharoitlarida barqaror ishlashni ta’minlaydigan olti pog‘onali robotlashtirilgan transmissiya qo‘llanadi.

Pro Max komplektatsiyasi 19 dyuymli yengil qotishmali disklar hamda o‘rindiqlarni ventilyatsiya qilish funksiyasiga ega premium toifadagi qora-jigarrang interer bilan ajralib turadi. Hatto Life versiyasi ham o‘z toifasi uchun keng imkoniyatlar to‘plamini taklif etadi — panoramali tom qismidan tortib, O‘zbekiston iqlimi uchun maxsus ishlab chiqilgan to‘liq qishki mavsumga mo‘ljallangan isitish paketigacha.

Amaldagi narxlar

2026 yil yangi modellari uchun narx takliflari*:

Tiggo 7:

• Life — 274 900 000 so‘m;
• Pro Premium — 319 900 000 so‘m;
• Pro Max — 339 900 000 so‘m.

Tiggo 8 Hybrid (yetti o‘rindiqli gibrid krossover):

• Luxury — 399 900 000 so‘m;
• Premium — 419 900 000 so‘m.

* Izoh: Ko‘rsatilgan narxlar to‘g‘ridan to‘g‘ri xarid qilish shartida (100% to‘lov) amal qiladi. Moliyaviy dasturlar (kredit, muddatli to‘lov yoki lizing) orqali xarid qilinganda, yakuniy narx farq qilishi mumkin.

Ushbu taqdimot brendning qulaylik, innovatsiya va haydovchilarning dolzarb ehtiyojlariga yo‘naltirilgan zamonaviy avtomobil yechimlarini taklif etishga bo‘lgan intilishini yana bir bor tasdiqladi. Chery’ning O‘zbekiston bo‘ylab rasmiy dilerlik tarmog‘ida avtomobillar bilan yaqindan tanishish va test-drayvdan o‘tish imkoniyati mavjud.

Chery avtomobil brendining O‘zbekistondagi rasmiy distribyutori bo‘lgan ADM kompaniyalar guruhi tomonidan taqdim etilgan Chery avtomobillarining texnik xususiyatlari va narxlari bilan cheryauto.uz sayti orqali tanishish mumkin.

Chery Uzbekistan rasmiy sahifalari:

Doimiy aloqa telefoni: +998 71 276 55 55

Veb-sayt | Instagram | Telegram | Telegram-bot | Facebook

Reklama huquqi asosida