Toshkentda yong‘in xavfsizligi tekshiruvlari: 7 ta obekt faoliyati vaqtincha to‘xtatildi

Kuni kecha poytaxt hududida insonlar ko‘p yig‘ilishi mumkin bo‘lgan maskanlar (binolar)da favqulodda vaziyatlar, xususan yong‘inlar sodir bo‘lishida belgilangan xavfsizlik talablariga javob berishi yuzasidan tegishli tartibda Davlat yong‘in nazorati tekshiruvlari amalga oshirildi.

Tekshiruvlar jarayonida Mirzo Ulug‘bek, Chilonzor, Yakkasaroy, Yangihayot, Yunusobod va Yashnobod tumanlarida joylashgan 7 ta bino (inshoot) va xonalarda yong‘in xavfsizligi talablari qo‘pol ravishda buzilgani, shuningdek insonlar hayotiga xavf tug‘diruvchi holatlar aniqlangani ma’lum qilindi. Shu sababli mazkur obektlarning faoliyati aniqlangan kamchiliklar bartaraf etilguniga qadar vaqtinchalik to‘xtatildi.

Hozirgi vaqtda ish faoliyati to‘xtatilgan obektlardagi tadbirkorlar tomonidan aniqlangan kamchiliklardan xulosa chiqargan holda, ularni tezkor bartaraf etish choralari ko‘rilmoqda.