Qurilish vaziriga yangi o‘rinbosar tayinlandi

Jalol Arashov qurilish va uy-joy kommunal xo‘jaligi vazirining birinchi o‘rinbosari bo‘ldi. U 2022–2023 yillarda ham mazkur lavozimda faoliyat yuritgan.

Foto: Qurilish vazirligi

Prezident qarori bilan Jalol Samandarovich Arashov qurilish va uy-joy kommunal xo‘jaligi vazirining birinchi o‘rinbosari lavozimiga tayinlandi.

Jalol Arashov 2023 yil avgustidan buyon Buxoro viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimida faoliyat yuritib kelayotgandi.

U 2022–2023 yillarda ham qurilish va uy-joy kommunal xo‘jaligi vaziri o‘rinbosari lavozimida ishlagan. Undan avval Toshkent shahar qurilish bosh boshqarmasiga rahbarlik qilgan.