Xiaomi yangi noutbuklarini sotuvga chiqardi

Foto: Xiaomi

Xiaomi kompaniyasi yangi avlod budjet noutbuklari — Redmi Book 2026 modellarini sotuvga chiqardi. Ular ikki xil o‘lchamda bo‘lib, texnik jihatdan deyarli farq qilmaydi.

Har ikki noutbuk Intel Core Ultra 5 125H protsessorida ishlaydi va 16 GBdan 32 GBgacha LPDDR5X tezkor xotiraga ega.

14 dyuymli versiya 2880×1800 aniqlikdagi 120 Gs chastotali ekran bilan jihozlangan bo‘lib, og‘irligi 1,49 kg.

16 dyuymli model 2560×1600 aniqlikka ega va u ham 120 Gs chastotali. Og‘irligi esa 1,86 kg.

Noutbuklar ikkita USB-A 3.2 Gen 1, 3,5 mm audio tirqish, HDMI chiqishi va ikkita USB-C porti bilan jihozlangan.

Redmi Book 14 2026 narxi 16+512 GB versiyasi uchun 5499 yuan (taxminan 806 dollar)dan boshlanadi, xuddi shu xotira hajmiga ega 16 dyuymli Redmi Book 16 2026 esa 5699 yuan (taxminan 836 dollar) turadi.