Qurbon hayiti munosabati bilan ehtiyojmand aholi qo‘llab-quvvatlanadi. Adliya, IIV va Tog‘-kon sanoati vazirligi davlat boshqaruvidagi eng ilg‘or idoralar deb topildi. Navoiy viloyati, Xatirchi tumanida sel oqibatlarini bartaraf etish ishlari boshlandi. Internetda 500 ming so‘mlik yangi banknota haqida feyk xabarlar tarqaldi. Kunning muhim yangiliklari bilan tanishtiramiz.
Qurbon hayiti munosabati bilan ehtiyojmand aholi qo‘llab-quvvatlanadi
Prezident Shavkat Mirziyoyev Qurbon hayiti munosabati bilan ehtiyojmand aholini ijtimoiy-iqtisodiy jihatdan qo‘llab-quvvatlash yuzasidan takliflar taqdimoti bilan tanishdi.
Takliflarga ko‘ra, Qurbon hayiti munosabati bilan keng ko‘lamli tadbirlarni amalga oshirish nazarda tutilmoqda. Jumladan, og‘ir va nogironlikni keltirib chiqaruvchi kasalliklarga chalingan 10 ming nafar bolada jarrohlik amaliyoti o‘tkazish, 2,3 ming nafar onkologik, gematologik va onkogematologik tashxis qo‘yilgan bemorlarni tibbiy tekshiruvdan o‘tkazish, davolash va jarrohlik amaliyotlari, shuningdek, kamida 350 nafar bemorda jigar va buyrak transplantatsiyasi amaliyotini o‘tkazish xarajatini qoplash ko‘zda tutilgan.
8 ming nafardan ziyod yetim va ota-ona qaramog‘idan mahrum bo‘lgan bola hamda Vatanni himoya qilish yo‘lida qurbon bo‘lgan ota-ona farzandlarining omonat hisobvaraqlariga 200 AQSh dollari miqdorida pul mablag‘i o‘tkaziladi. Davlat ta’minotidagi oilalar, o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar oziq-ovqat to‘plami bilan ta’minlanadi. Mazkur chora-tadbirlar “Vaqf” xayriya jamoat fondiga ajratiladigan 690 milliard so‘m mablag‘ hisobidan moliyalashtiriladi.
Adliya, IIV va Tog‘-kon sanoati vazirligi davlat boshqaruvidagi eng ilg‘or idoralar deb topildi
Prezident ishtirokida bo‘lib o‘tgan tadbirda
