Hayitda saxovat işlari va 500 ming sömlik feyk banknota – mahalliy dayjest

Toğ-kon sanoati va geologiya vazirligi resurslarni boşqariş böyiça eng namunali vazirlik sifatida e’tirof etildi. Qayd etilişiça, geologiya-qidiruv işlarida suv sarfi 20 foizga qisqartirilgan, asosiy konçilik uskunalarini mahalliylaştiriş darajasi esa 84 foizga yetkazilgan.

Içki işlar vazirligi davlat xizmatlarini körsatişdagi ijobiy natijalari uçun eng namunali idora deb tan olindi. Bugungi kunda vazirlik xizmatlarining 95 foizi töliq raqamli şaklda taqdim etilmoqda. Şuningdek, tarqoq bölgan 72 ta ma’lumotlar bazasi yagona «Xavfsiz şahar» tizimiga birlaştirilgan.

Navoiy viloyatida sel oqibatlarini bartaraf etiş işlari boşlandi

Navoiy viloyatida sel hodisasi oqibatlarini bartaraf etiş maqsadida maxsus ştab tuzildi.

21 may kuni Xatirçi tumanida kuçli sel kelib, 4 ta soy yaqinida yaşovçi aholi vaqtinçalik xavfsiz hududga köçirilgandi. Hozir navbatçilik taşkil qilinib, işlar olib borilmoqda.

Viloyatning 3 ta tumanidagi ayrim hududlarda sel keldi. Ayniqsa, Xatirçi tumanida talafotli böldi: soy özaniga siğmagan sel maşinalarni oqizib ketdi, uylarning tomorqalarigaça kirib borib, zarar yetkazdi. Xususan, tumanning Qoraça, Quççi, Langar, Angidon, Oltinsoy va Maydon mahallalarida evakuatsiya işlari taşkil etilib, maxsus texnikalar jalb qilingan. Aholi xonadonlari va tomorqalarida töplanib qolgan suv maxsus texnikalarda tortib olinyapti.

Internetda 500 ming sömlik yangi banknota haqida feyk xabarlar tarqaldi

Markaziy bank ijtimoiy tarmoqlarda tarqalayotgan 500 ming sömlik yangi banknot muomalaga çiqarilişi haqidagi xabarlarga munosabat bildirdi. Regulyatorga köra, mazkur ma’lumot asossiz va haqiqatga töğri kelmaydi.

«Bugungi kunda yangi pul belgisini muomalaga çiqariş masalasi Özbekiston Respublikasi Markaziy banki tomonidan közda tutilmagan», deyiladi MB izohida.

Ma’lumot uçun, «Markaziy bank töğrisida»gi qonunga köra, yangi pul belgisi avvalo Senat tomonidan ma’qullanişi kerak. Şundan söng Markaziy bank yangi pul belgisi tavsifi va uning muomalaga çiqarilişi töğrisidagi ma’lumotlarni ommaviy axborot vositalarida e’lon qiladi.