2187 ta lavash-doner, 12 648 ta somsa va 1135 kilolik lag‘mon: Pepsi Lazzatli Fest'da rekord o‘rnatildi

22 maydan 24 maygacha “Humo Arena” hududi 124 mingdan ortiq mehmonni jamlagan yirik gastronomik va madaniy bayram markaziga aylandi.

Festivalning asosiy voqeasi rasman qayd etilgan uchta Guinness World Records™ jahon rekordi bo‘ldi. Jamoa nafaqat belgilangan ko‘rsatkichlarni bajardi, balki ularni ancha oshirib ham uddaladi:

— rejadagi 1000 ta o‘rniga 2187 ta lavash-doner,

— 12 000 ta o‘rniga 12 648 ta somsa,

— rejalashtirilgan 800 kg o‘rniga vazni 1135 kg bo‘lgan dunyodagi eng katta lag‘mon.

Rekordlarni o‘rnatishda mamlakatning eng sara oshpazlari mehnat qildi: 25 nafar oshpaz rekord darajadagi lavash-donerlarni tayyorladi, 33 nafar oshpaz eng katta lag‘monni pishirdi, 45 nafar oshpaz esa bir vaqtning o‘zida 45 ta tandirda somsa yopdi.

Rekord darajadagi somsani tayyorlash uchun 505 kg mol go‘shti, 500 kg piyoz, 60 kg dumba yog‘i, 885 kg un, 250 litr suv, 250 kg sariyog‘, 12 kg kunjut, shuningdek, ko‘p miqdorda ziravor va masalliqlar ishlatildi. Festival davomida jami bir yarim tonnadan ortiq mahsulot sarflandi.

Minglab mehmonlar rekordlar tayyorlanishini real vaqt rejimida kuzatib bordi, “MILLIY TV” telekanali orqali esa to‘g‘ridan to‘g‘ri efir uzatildi. Eng hayajonli lahza Guinness World Records™ natijalarining rasman tasdiqlanishi bo‘ldi — yakuniy hisob-kitob va tortishdan so‘ng butun maydon shodiyona qildi, mehmonlar do‘mbra sadolari ostida qarsak chalib, raqsga tushdi.

Guinness World Records™ eksperti Richard Stenning festivalning yuqori darajada tashkil etilganini, jamoaning hamjihat ishlaganini va oshpazlarning mahoratini alohida e’tirof etdi. U lag‘monni qo‘lda tayyorlashning murakkabligini qayd etib, barcha jarayonlar tartibli va yuksak saviyada bajarilganini aytdi. Shuningdek, Richard Stenning tarixda ilk bor bir festival doirasida bir vaqtning o‘zida uchta Guinness World Records™ jahon rekordi o‘rnatilganini ta’kidladi.

Biroq festival nafaqat rekordlar, balki avvalo, shahar muhiti va odamlar haqida bo‘ldi. Uch kun davom etgan “Humo Arena” atrofi katta ochiq osmon ostidagi bayramni eslatdi: konsert chiqishlari, raqs shoulari, interaktiv hududlar, blogerlar, musiqachilar, farzandli oilalar, sayyohlar va gastronomik maydonchalar zamonaviy xalqaro darajadagi shahar festivalining o‘ziga xos muhitini yaratdi.

“Guinness World Records™ʼning uchta rekordiga erishish muhim bosqich bo‘lib, PepsiCo va hamkorimiz International Beverages Tashkent jamoalarining professionalligi hamda fidoyiligini tasdiqladi. Biz birgalikda o‘zbek madaniyatining boyligini jahon sahnasida namoyish etmoqdamiz.

Biz Pepsi’da odamlarni taom, musiqa va madaniyat orqali birlashtiradigan lahzalarni yaratishga ishonamiz hamda har bir qultum va har bir ta’m bilan yanada yorqin taassurotlar hadya etishdan mamnunmiz”, — dedi Ayub Qureshi, PepsiCo‘ning Belarus, Kavkaz va Markaziy Osiyo mintaqasi bo‘yicha bosh menejeri.

Pepsi Lazzatli Fest shunchaki festival emas, balki Toshkent va butun O‘zbekiston uchun haqiqiy tarixiy voqeaga aylanib, mamlakatdagi yirik xalqaro tadbirlar uchun yangi marrani belgilab berdi.