Turkiyaning O‘zbekiston va yana 24 ta davlatdagi elchilari almashtirildi 

Turkiya prezidenti Rajab Toyyib Erdo‘g‘an farmoyishiga ko‘ra, Turkiyaning 25 ta davlatdagi diplomatik missiyalariga yangi rahbarlar tayinlandi. Bu haqda “Anadolu” axborot agentligi xabar berdi.

Jumladan, Turkiyaning O‘zbekistondagi elchisi ham o‘zgartirildi. Bu lavozimga Mexmet Surayyo Er tayinlangan. U Ahmad Bashar Shon o‘rnini egallaydi. Mexmet Surayyo Er bungacha Turkiya hukumati huzuridagi hamkorlik va muvofiqlashtirish agentligi (TİKA) direktori o‘rinbosari lavozimini egallagan.