O‘zbekistonda pensiyaning eng kam miqdori eng kam iste’mol xarajatlari darajasidan oz bo‘lmasligi belgilanmoqda
Pensionerga hisoblangan, lekin uning tomonidan talab qilib olinmagan pensiya summasini to‘lash muddati o‘n ikki oydan yigirma to‘rt oygacha uzaytiriladi.
![](https://storage.kun.uz/source/10/hGd83-mgQIzXDj0Gd8O1JqZRpjkm_PpW.jpg)
Foto: Senat axborot xizmati
Senat yalpi majlisida ayrim qonun hujjatlariga fuqarolarning ijtimoiy himoyasini yanada kuchaytirishga qaratilgan o‘zgartirish va qo‘shimchalar kiritishni nazarda tutuvchi qonun ko‘rib chiqildi.
Qonun bilan “Ijara to‘g‘risida”gi qonunga ijarachining nogiron bo‘lib qolganligi ijara shartnomasini tugatish uchun asos bo‘lishini bekor qilishni nazarda tutuvchi o‘zgartirishlar kiritilyapti.
Shuningdek, “Fuqarolarning davlat pensiya ta’minoti to‘g‘risida”gi qonunda pensionerga hisoblangan, lekin uning tomonidan talab qilib olinmagan pensiya summasini to‘lash muddatini o‘n ikki oydan yigirma to‘rt oygacha uzaytirish nazarda tutilmoqda.
Qonunda pensiyaning eng kam miqdori eng kam iste’mol xarajatlari darajasidan oz bo‘lmasligini belgilash, pensiyalar miqdorlarini yil davomida tovarlar va xizmatlarning iste’mol narxlari indeksi darajasining o‘sish sur’atlarini inobatga olgan holda oshirib borish tartibi, shuningdek, mahkumlarning ozodlikdan mahrum qilingan davrda amalga oshirgan faoliyati davrini pensiya olish huquqini beradigan faoliyat turi sifatida hisobga olishga doir talab ham belgilanmoqda.
Bundan tashqari, “Fuqarolarning jamg‘arib boriladigan pensiya ta’minoti to‘g‘risida”gi qonunga fuqaroda davlat pensiya ta’minoti huquqi yuzaga kelganligi to‘g‘risida Pensiya jamg‘armasi tomonidan Xalq bankiga axborot tizimi orqali elektron shaklda yuboriladigan ma’lumotlar fuqaroning pensiya to‘lovlarini olishi uchun asos bo‘lishini nazarda tutuvchi o‘zgartirishlar kiritilmoqda.
Qonun senatorlar tomonidan ma’qullandi.
Eslatib o‘tamiz, oldinroq O‘zbekistonda 2024 yil uchun minimal iste’mol xarajatlari miqdori kishi boshiga 1 oyga 621 ming so‘m deb belgilangandi. Buning ortidan qator pensiya va nafaqalar miqdorlari ham 621 ming so‘mga yetkazildi.
Mavzuga oid
![](https://storage.kun.uz/source/thumbnails/_medium/10/yHUq1qRpgRV8uTKOwFDmkoFP5AAt0TK7_medium.jpg)
14:39 / 28.08.2024
Mustaqillik bayrami munosabati bilan sentabr oyi pensiyasi oldindan to‘lab beriladi
![](https://storage.kun.uz/source/thumbnails/_medium/10/mGak5X_YktTAxDnyRvatvIuy2ZlCclSv_medium.jpg)
11:24 / 22.08.2024
IIO xodimlarining xizmat muddati 25 yilga uzaytirilishiga doir xabarlar yolg‘on - IIV
![](https://storage.kun.uz/source/thumbnails/_medium/10/XzxMsYqIWC3bsamDRCeXr9r181PpX2bz_medium.jpg)
14:02 / 21.08.2024
2023 yilda “prava”si olib qo‘yilgan shaxslar takror YTH sodir etishi oqibatida 212 kishi halok bo‘lgan
![](https://storage.kun.uz/source/thumbnails/_medium/10/odkEQ0Cvz84n27n7Pge9TOLJatgVo9um_medium.jpg)
16:02 / 17.08.2024