Rossiya va Yaponiya o‘rtasidagi tinchlik shartnomasi qachon imzolanadi?

Rossiya poytaxti Moskvada RF va Yaponiyada tinchlik shartnomasini imzolashga qaratilgan muzokaralarning uchinchi davrasi bo‘lib o‘tdi, deb xabar qilmoqda Rossiya TIV. 

«Rossiya delegatsiyasiga tashqi ishlar vaziri o‘rinbosari Igor Morgulov, Yaponiya delegatsiyasiga mamlakat hukumatining Rossiya bilan aloqalar bo‘yicha vakili Tikaxito Xarada rahbarlik qilgan», — deyiladi xabarda. 

Hozircha, muzokaralar natijasi haqida ma'lum qilinmagan. 

Ta'kidlanishicha, yangi muzokaralar muddati diplomatik manbalar vositasida aniqlanadi. 

Avvalroq, Rossiya TIV tinchlik shartnomasi bo‘yicha Yaponiya bilan amaliy muzokaralar o‘tkazishdan umid qilishini ma'lum qilgan edi.