Sanitariya-epidemiologiya sohasi xodimlari uchun malaka oshirish markazi tashkil etilyapti

Vazirlar Mahkamasining “Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazini tashkil etish chora-tadbirlari to‘g‘risida”gi qarori qabul qilindi.

20 kishidan iborat markaz Sanitariya-epidemiologik osoyishtalik va jamoat salomatligi qo‘mitasi huzurida tashkil etilmoqda. Uning vazifalari:

aholini sanitariya-epidemiologik osoyishtaligini ta’minlash yo‘nalishida fundamental va ilmiy-amaliy tadqiqotlar o‘tkazish;

ushbu sohada kadrlarni qayta tayyorlash va malakasini oshirish.
 
Markaz direktori lavozimi bo‘yicha oliygohning dekaniga, o‘rinbosari – dekan o‘rinbosariga tenglashtirilmoqda.

Ikki oy ichida markazni tajribali professor-o‘qituvchilar bilan to‘ldirish uchun ochiq tanlov o‘tkaziladi.