Mendeleyev jadvalining 115-elementi “moskoviy” deb ataldi

Sun'iy ravishda sintezlangan 115-atom raqamidagi element rasman “moskoviy” deb nomlandi. Bu haqda Xalqaro nazariy va amaliy kimyo ittifoqi saytida xabar berilgan.

Davriy jadvalning 118 elementi esa «oganeson» deya ataldi. U rossiyalik akademik Yuriy Oganesyan sharafiga qo‘yilgan.

IUPAC’ning 28 noyabr kuni bo‘lib o‘tgan yig‘ilishida 113 va 117 raqamli elementlarga ham yangi nom tanlandi. Ular tegishli ravishda «nixoniy» hamda «tenessiy» deb ataldi.

Ma'lumot uchun, Xalqaro nazariy va amaliy kimyo ittifoqi olimlar va kimyo sanoati vakillari tomonidan 1919 yilda tashkil etilgan. Tashkilot so‘nggi vaqtlarda zamonaviy kimyoni ilgari surish va uni rivojlantirish bo‘yicha tadbirlarni tashkil etib bormoqda.