22 may kuni «Bunyodkor» stadioni atrofidagi ayrim ko‘chalar vaqtincha yopiladi

Futbol bo‘yicha O‘zbekiston milliy jamoasini jahon chempionatiga kuzatish tadbiri munosabati bilan Toshkent shahridagi ayrim ko‘chalar vaqti-vaqti bilan yopiq bo‘ladi, deya xabar bermoqda poytaxt Yo‘l harakatini tashkil etish markazi.

Cheklov 22 may soat 16:00 dan 21:00 gacha amal qiladi. Bu paytda quyidagi ko‘chalarda vaqti-vaqti bilan transport vositalari harakati vaqtincha cheklanadi:

• Chilonzor-Cho‘ponota ko‘chalari chorrahasidan Cho‘ponota ko‘chasi bo‘ylab Qatortol-Cho‘ponota ko‘chalari chorrahasigacha;
• KHAY-Chilonzor ko‘chalari chorrahasidan Chilonzor ko‘chasi bo‘ylab Chilonzor-Cho‘ponota ko‘chalari chorrahasigacha;
• KHAY-Bunyodkor ko‘chalari chorrahasidan Bunyodkor ikkinchi darajali yo‘li bo‘ylab Bunyodkor-Cho‘ponota ko‘chalari chorrahasigacha.
• Nurafshon-Sebzor ko‘chalari chorrahasidan Sebzor ko‘chasi bo‘ylab Islom Karimov-Bunyodkor ko‘chalari chorrahasigacha;
• Islom Karimov-Bunyodkor ko‘chalari chorrahasidan Bunyodkor ko‘chasi bo‘ylab Bunyodkor-Ikkinchi Qatortol ko‘chalari chorrahasigacha.

YHTEM haydovchilarga oldindan muqobil yo‘nalishlarni rejalashtirishni tavsiya qildi.