22 май куни «Бунёдкор» стадиони атрофидаги айрим кўчалар вақтинча ёпилади

Футбол бўйича Ўзбекистон миллий жамоасини жаҳон чемпионатига кузатиш тадбири муносабати билан Тошкентдаги айрим кўчаларда ҳаракат вақти-вақти билан чекланади. Чеклов 22 май куни соат 16:00 дан соат 21:00 гача амал қилади.

Футбол бўйича Ўзбекистон миллий жамоасини жаҳон чемпионатига кузатиш тадбири муносабати билан Тошкент шаҳридаги айрим кўчалар вақти-вақти билан ёпиқ бўлади, дея хабар бермоқда пойтахт Йўл ҳаракатини ташкил этиш маркази.

Чеклов 22 май соат 16:00 дан 21:00 гача амал қилади. Бу пайтда қуйидаги кўчаларда вақти-вақти билан транспорт воситалари ҳаракати вақтинча чекланади:

Чилонзор-Чўпонота кўчалари чорраҳасидан Чўпонота кўчаси бўйлаб Қатортол-Чўпонота кўчалари чорраҳасигача;
КҲАЙ-Чилонзор кўчалари чорраҳасидан Чилонзор кўчаси бўйлаб Чилонзор-Чўпонота кўчалари чорраҳасигача;
КҲАЙ-Бунёдкор кўчалари чорраҳасидан Бунёдкор иккинчи даражали йўли бўйлаб Бунёдкор-Чўпонота кўчалари чорраҳасигача.
Нурафшон-Себзор кўчалари чорраҳасидан Себзор кўчаси бўйлаб Ислом Каримов-Бунёдкор кўчалари чорраҳасигача;
Ислом Каримов-Бунёдкор кўчалари чорраҳасидан Бунёдкор кўчаси бўйлаб Бунёдкор-Иккинчи Қатортол кўчалари чорраҳасигача.