Samsung Galaxy S8 ranglari va narxi ma'lum qilindi

Taniqli jurnalist Evan Blass “tvitter”dagi sahifasida Samsung Galaxy S8 va S8 Plus sirlari bilan bo‘lishdi. Ma'lum bo‘lishicha, yangi qurilmalar uch rangda chiqariladi: “qora osmon”, “kulrang orxideya” va “arktika kumushi” (Black Sky, Orchid Grey and Arctic Silver).

Shuningdek yangi smartfonlarning taxminiy narxi ham ma'lum bo‘ldi: Samsung Galaxy S8 Yevropada xaridorlarga 799 yevrodan taklif etilsa, Galaxy S8 Plus’ni esa 899 yevroga sotib olish mumkin bo‘ladi. Bu esa dunyo bo‘ylab yangi qurilmalarning narxi ming dollardan ko‘proqni tashkil etishi mumkinligidan darak beradi.