Britaniya nashri O‘zbekistonga tashrif buyurishning bir necha sababini bayon etadi

Buyuk Britaniyaning Huffington Post nashrida O‘zbekistonning turizm salohiyati va nima uchun bu mamlakatga sayohat qilish kerakligi haqida qiziqarli maqola chop etildi. Unda ta'kidlanishicha, agar siz turli xil madaniyat, boy tarix, mazali taom tayyorlanadigan, yoki shunchaki ajoyib arxitektura yodgorliklariga qiziqsangiz, dengizga chiqa olmaydigan bu davlatda har kimga mos keladigan nimanidir topish mumkin. Quyida O‘zbekistonga tashrif buyurishning ayrim sabablari...keltirilgan.

U yerda juda ham arzon

O‘zbekiston juda ham arzon, o‘rtacha to‘yib ovqatlanish uchun 2,25 funt sterling (25 ming so‘m) atrofida pul ketadi. Taksida sayr qilish uchun taxminan 1 funt kifoya qiladi.

O‘zbekiston dunyoning arxitektura yodgorliklari bo‘yicha eng chiroyli mamlakatlaridan biridir. Dunyoga mashhur Samarqanddagi Registon diqqatga sazovor joylardan biridir. Shohi-Zinda majmuasida Temuriylar davriga doir koshinlik san'atidan bahra olish mumkin.

O‘zbekistonning 3 shahri – Samarqand, Buxoro va Xiva qadimgi Ipak yo‘lining asosiy bekatlaridan biri bo‘lgan. Ularning barchasi bugungi kunda avvalgi go‘zalligiga qayta tiklangan. Chingiz xon qachonlardir mamlakat uzra bosqinchilik qilar ekan, Buxoro, Samarqand va Termizni egallagan, makedoniyalik Aleksandr Samarqandni egallab, Nurotaga asos solgandi. Bu yerda uning qal'asi qoldiqlari saqlanib qolgan. Xiva UNESCO madaniy yodgorliklari ro‘yxatiga kiritilgan osmon ostidagi muzey deb ataluvchi majmuaga ega. O‘zbekiston endigina sayyohlarga eshiklarini ochmoqda.

Men hech qachon O‘zbekistondan chop to‘plamini xarid qilishni xayolimga ham keltirmagan edim. O‘zbekistonning yirik shaharlari, hech shubhasiz, sopol idishlarning haqiqiy arzon bozoridir. Yangi kosa yoki likopchalar kerak bo‘lib qoldimi? O‘ylanmasdan O‘zbekistonga uching. Chiroyli bo‘yalgan idish-tovoqlardan tashqari, siz O‘zbekistonning mashhur matolarini ham xarid qilishingiz mumkin. 

Aksar sayyohlik turlari o‘tovlarda qolish, folklor musiqadan bahramand bo‘lish va sahroda yulduzli osmonni tomosha qilish imkoniyatini taqdim etadi. 

Taom, taom, va yana taom. Men o‘zimni biror joyga taomlarini tatib ko‘rish uchun sayohat qiluvchilar safiga kiritaman. O‘zbeklar o‘zlarining mahalliy oshxonasi, ayniqsa palovdan faxrlanishadi. U asosan guruch, sabzi, piyoz, go‘sht va bedana tuxumidan tayyoralanadi. Ushbu mazali taomning katta likopchaga tortilgani atigi  1.5 funt sterling turadi. 

Agar O‘zbekiston tarixi sizda katta taasssurot qoldira olmasa, manzarali tabiati buning uddasidan chiqadi. Jamoat transporti o‘ylaganingizdan ham qulayroq. Toshkentdan Buxoro yoki Samarqandga poyezdda juda tez borishingiz mumkin. Aydar ko‘lga ham bora olsangiz, juda ajoyib bo‘ladi. 

Aytish joizki, dunyoning ushbu marvarid hududini ko‘pchilik eshitmagan ham. Biroq siz tam tortmay borishingiz mumkin. Siz bundan afsuslanmaysiz, men bunga kafolat beraman, deya ta'kidlaydi maqola muallifi.