O‘zbekistonda “mobil uy” taqdim etildi

Toshkentdagi "Asia Trailer" MChJ bozorda yangi mahsulot - “mobil uy”ni taqdim etdi. Jamiyat yengil avtomobillar uchun tirkamalar ishlab chiqarishga ixtisoslashgan.

Yangi mahsulot yilning ma'lum mavsumida uzoq muddat davomida tog‘larda yashovchi cho‘ponlarga mo‘ljallangan. G‘ildirakli mobil uy mini-sovutgich, yotoq joylari, dushga ega.

"Pravda Vostoka" nashri ma'lumotlariga ko‘ra, konstruksiya ancha yengil – u sendvich-panellardan qurilgan. Asosiy xomashyo hamda butlovchi qismlar mahalliy mahsulotlar bo‘lib, shu sababdan ularning narxi ham nisbatan arzon.