Qoʻshimcha funksionallar
-
Tungi ko‘rinish
FootWeek: Eronga qarshi Ahmedovsiz o‘ynaymiz. Shomurodov-chi, keladimi?
FootWeek mualliflik loyihasi davom etadi. Bobur Akmalov kichik tanaffusdan so‘ng ko‘rsatuvning yangi sonini e'tiboringizga havola etyapti. Bu safar ko‘rsatuv o‘tgan davr mobaynida O‘zbekiston futbolida bo‘lib o‘tgan voqealarga bag‘ishlandi.
Osiyo Chempionlar ligasida ishtirokini yakunlagan «Paxtakor» haqida fikrlar o‘rin olgan dasturning bu sonidan. Jumladan, yurtimizning taniqli sharhlovchilari Murod Rizayev, Xayrulla Hamidov va Otabek Jo‘rayev, shuningdek, rejissyor Jamoliddin Bobojonov qit'aning klublar miqyosidagi eng nufuzli turniridagi «Paxtakor»ning ishtirokiga baho berdilar.
Aytish joizki, ularning ba'zi fikrlari bir joydan chiqdi. Jamoaning OChLdagi ishtirokiga berilgan baholar bir-biriga juda yaqin bo‘lsa, ayrim jabhalarda ayro fikrlarni ham uchratasiz. Kimdir murabbiylar shtabini eng zaif nuqta, deb bilgan bo‘lsa, yana kim uchundir darvozabon masalasi muammoli. Yaxshisi, futbol odamlari fikrini o‘zingiz eshitganingiz ma'qul.
Muallif O‘zbekiston milliy jamoasini yoddan chiqarmagan. 3 oktabr sanasidan boshlab navbatdagi yig‘inga kirgan Vadim Abramov boshchiligidagi jamoa oldida qanday rejalar bor, murabbiy tarkibga chaqirilganlarni qanday asosda chorlagan, kimlar kela oladi va kimlar yo‘q, kim koronavirusga chalindi, kim jarohat tufayli yig‘inni o‘tkazib yuboradi? Milliy jamoaning asosiy futbolchisi Odil Ahmedov nega chaqirilmadi? Eldor Shomurodov «Jyenoa» safiga qo‘shilgach, milliy jamoa lageriga yetib kela oladimi? Yig‘in doirasidagi Eron va BAAga qarshi o‘yinlar qachon va qayerda o‘tkaziladi, asosiysi, bo‘lib o‘tishi aniqmi?
Ana shu savollarga FootWeek loyihasidan javob olsangiz ajab emas.
Mavzuga oid
20:27 / 21.07.2021
Hokimlar va futbol: Turdimov, Bozorov va Abdurazzoqov futbol haqida nima degandi?
22:14 / 20.06.2021
«Nasaf»da nima gaplar? Ro‘ziqul Berdiyev bilan suhbat
15:46 / 12.06.2021
«Noto‘g‘ri yo‘lda yurganimni kech tushungandim». Xatolari qimmatga tushgan yulduzcha – Temur Hakimov bilan ochiq intervyu
11:15 / 26.05.2021