"Real" do‘konidan Ronalduning surati yo‘qoldi

"Real Madrid" jamoa hujumchisi Krishtianu Ronalduning atributikalarini sotishda davom etmoqda, biroq uning surati saytdan olib tashlangan. Klub atributikalari sotuviga bag‘ishlangan bo‘limda boshqa futbolchilarning surati turibdi. 

Biroz avvalroq "Real" 2018/19 yilgi mavsum uchun o‘yin liboslarini taqdim etgan edi va ushbu ko‘rgazmada Ronaldu ishtirok etmagan. U klubning yangi libosida suratga tushmagan, shuningdek, videorolikda ham suratga tushmagan. "Real" bu vaziyatga izoh bermagan. Biroq bunga "Real"ning Adidas bilan, Ronalduning esa Nike bilan hamkorlik qilishi sabab bo‘lishi mumkin.